महोत्तरीमा शिक्षिका नै घरेलु हिंसाको सिकार

विशाल बस्नेत/ न्युज कारखाना

२३ बैसाख, महोत्तरी 

महोत्तरीमा सिक्षिका नै घरेलु हिंसाको सिकार बनेकी छन ।

बर्दिबास-३ बस्ने सीता माझी आफ्नै श्रीमान चन्द्रे माझी र कान्छी श्रीमती अनिता भुजेलवाट घरेलु हिंसाको सिकार बनेकी हुन ।

बर्दिबास कै भब्सी आधारभुत विद्यालयमा अध्यापन गराउने  सिक्षिका  माझीलाइ १९ बैसाखको राति निर्ममतापुर्वक कुटपिट गरि सख्त घाइते बनाइएको छ भने यसअघि पनि निक्कै प्रताडित बन्दै आएको पिडितले वताएकी छन । श्रीमान चन्द्रे माझी र कान्छी श्रीमती अनिता भुजेलले ज्यानै लिने उदेश्यले घरेलु हतियार समेत प्रयोग गरिएको भेटिएको छ ।

स्थानिय प्रत्यक्षदर्शीका अनुसार लाइन अफ गरेर अध्याँराेमा विभिन्न घरेलु हतियार प्रयोग गर्दै उनिहरुले आक्रमण गरेका थिए । पटक पटक यस्ता घटना दोहोर्‍याइ रहे तापनी समाजले सहजीकरण गर्दै आएको थियो । 

राहत कोटामा आफै कमाउदै स्वालम्बन बनेकी माझी किन हिंसाको सिकार वनिन भन्ने बिषयमा प्रहरीले अनुसन्धान गरिरहेको छ । पिडित माझीले श्रीमानविरुद्ध  वहुविवाह र ज्यान मार्ने उद्योग अन्तर्गत मुद्दा दर्ता गर्ने तयारी गरेकी छन । पिडक भनिएका चन्द्रे माझीलाइ भने प्रहरीलाइ पक्राउ गरेको छ । माझीलाइ पक्राउ गरि हिरासतमा राखेर अनुसन्धान प्रक्रिया अगाडि बढाइएको इलाका प्रहरी कार्यालय गौरिडाडाका प्रमुख विजय यादवले वताए ।

पिडितले अहिलेसम्म जाहेरी ल्याइ नसकेको पनि प्रहरीले जनाएको छ । जाहेरी ल्याए पछी मुद्दा प्रक्रिया अगाडि बढाइने प्रमुख यादवले जानकारी दिए ।

यता शिक्षिका नै घरेलु हिंसाको सिकार भएको भन्दै एक प्रेस बिज्ञप्ति निकालेर सिक्षक संगठनहरुले ध्यानाकर्षण भएकाे जनाएका छन् । साघंतिक आक्रमणसहित ज्यान नै लिने कुकृत्य गर्ने दोषीलाइ कडा कारवाहीको माग गर्दै एकीकृत अखिल नेपाल सिक्षक संगठन बर्दिबासले घटनाप्रती आपत्ती जनाएको छ ।

नगर कमिटीका संयोजक सुर्यनारायण दास र सचिव टंक प्रसाद पोखरेलले दोषीलाइ कारवाहीको दायरामा नल्याए आन्दोलन गर्न बाध्य हुने चेतावनी समेत दिएका छन ।