स्व. युवराज श्रेष्ठ स्मृति खेलको उपाधि स्वर्णिम पाठशालाको पोल्टामा
आईतबार, २०७९ फागुन १४ गते, १३:०१ मा प्रकाशित
विशाल बस्नेत
महोत्तरी, १४ फागुन । स्व. युवराज श्रेष्ठ स्मृति बर्दिबासको फुटवल खेलको उपाधि स्वर्णिम पाठशालाले हात पारेको छ । एनप्याब्सन नगरले आयोजना गरेको उक्त खेलकुद प्रतियोगितामा १० वटा टिमसँग प्रतिस्पर्धा गर्दै स्वर्णिम पाठशालाले उपाधि जितेको हो ।
सर्पको डसाइबाट एक बर्ष अगाडि मृत्यु भएका माइस्थान पब्लिक एकेडेमीका प्रधानाध्यापक युवराज श्रेष्ठको सम्झनामा आयोजना गरेको उक्त कार्यक्रमा फुटबल र एथलेटिक्स खेल आयोजना गरिएको थियो ।
एथलेटिक्समा भने फोलोरेन्स एकेडेमीले हात पारेको छ । निकटतम् प्रतिस्पर्धी नोबेल एकेडेमीलाइ पछाडि पार्दै उक्त उपाधि हात पारेको एनप्याब्सन बर्दिबासका अध्यक्ष नोगेन्द्र क्यापछाकीले जानकारी दिए ।
एथलेटिक्समा दोश्रो र तेश्रो क्रमशः नोवेल एकेडेमी र सप्तकविन्द्र शिक्षा निकेतन भएका छन् । त्यसैगरी फुटलबलमा दोश्रो र तेश्रो क्रमशः सप्तकविन्द्र शिक्षा निकेतन र माइस्थान पब्लिक एकेडेमी छन् ।
हामीलाई तपाईंहरूको सल्लाह र सुझाव दिनुहोला जसले गर्दा हामीले यो विकास पत्रकारिता, लेखन र साहित्यको क्षेत्रमा अझ राम्रो गर्न सकौं । यहाँहरूका लेख तथा रचनाहरु छन् भने पनि हामीलाई पठाउनुहोला । छापिन योग्य रचनाहरू हामी छाप्ने छौं ।सम्पर्क इमेल : sendyourarticle@samayasamachar.com
तपाईको प्रतिक्रिया दिनुहोस